Tryggjum réttlát umskipti
VG vill byggja umskipti yfir í kolefnishlutleysi á réttlæti og jöfnuði.
Sveitarfélög skulu mynda sér landnýtingarstefnu sem tekur mið af vernd og endurheimt náttúrulegra gæða
Stuðlum að kolefnisbindingu og endurheimt votlendis
Förum aðeins í vindorkuöflun með náttúru- og umhverfisvernd að leiðarljósi
Tryggjum vernd vistkerfa og skipuleggjum skógrækt og landgræðslu með líffræðilega fjölbreytni í huga
VG vill að sveitarfélög móti sér landnýtingarstefnu, sem við allar framkvæmdir miði að því að fyrirbyggja mengun, lágmarka rask náttúru og lífvera og að endurnýta jarðveg. Einnig að vernda og endurheimta votlendi, skóga og önnur vistkerfi og skipuleggja skógrækt og landgræðslu með líffræðilega fjölbreytni og kolefnisbindingu í huga.
Tryggjum loftgæði, vatnsvernd og aðgengi að neysluvatni
Tryggjum fræðslu um umhverfis- og loftslagsmál í leik- og grunnskólum
Drögum úr matarsóun á sveitarstjórnarstiginu
Aukum framboð matvæla með lágt kolefnisspor
VG vill að stofnanir sveitarfélaga dragi úr matarsóun og auki framboð matvæla með lágt kolefnisspor.
Innleiðum hringrásarhagkerfið af krafti í samstarfi sveitarfélaga um úrgangslausnir og fráveitu
VG vill setja kraft í innleiðingu hringrásarhagkerfisins og skoða samstarf um úrgangslausnir þvert á sveitarfélög. Átak verður gert til að koma fráveitumálum sveitarfélaga í fullnægjandi horf.